einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9357 ich man iuch verre bî goteiuwer triuwe, und wizzet dâ bî, ob des niht ensî, daz hie mîn leben endet, wan sô bin ich geschendet. 9362 mich bedunket des vil verre daz mir daz minner werre ob ich mit êren sterbe dan an êren verderbe." des antwurte im der guote 9367 mit lachendem muote: "ich wil mich lâzen twingen vil gerne an disen dingen. dochz wider dem site sî getân, sô wil ich iuchz wizzen lân: 9372 mîn vater ist ein künec rîch, mîn muoter wol sîn gelîch, über Destrigâles lant, Êrec bin ich genant." "sol ich des gewis wesen?" 9377 "jâ ir." "sô lât mich genesen |