Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1634 swie gar ich nû ir hulde enbir,
        und het ich ir leides mê getân,
        sî müese ir zorn allen lân
        und mich in ir herze legen.
        vrou Minne muoz sî mir bewegen:
1639 ichn trûwe mit mîner vrümekheit
        ir niemer benemen ir leit.
        weste sî ouch welche nôt
        mich twanc ûf ir herren tôt,
        sô wurdes deste bezzer rât,
1644 und weste si wie mîn muot stât,
        daz ich ze wandel wil geben
        mich selben unde mîn leben.
         Sît nû diu Minne unde ir rât
        sich mîn underwunden hât,
1649 sô hât sî michel reht dâ zuo
        daz sî der zweier einez tuo,
        daz si ir râte her ze mir
        od mir den muot beneme von ir:
        wan ich bin anders verlorn.
1654 daz ich ze vriunde hân erkorn
[ zurück ]