Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5635 Nû wolde diu alte
        die jungen mit gewalte
        von dem erbe scheiden,
        daz dienen solt in beiden;
        dâ zuo diu junger sprach
5640 'swester, disen ungemach
        den sol dir got verbieten.
        ich wânde mich genieten
        grœzers liebes mit dir.
        swester, dû bist mir
5645 ze ungnædiges muotes,
        wil dû mich mînes guotes
        und mîner êren behern.
        des wil ich mich mit kampfe wern.
        ichn vihte niht, ich bin ein wîp:
5650 daz als unwerhaft ist mîn lîp,
        dâne hâstû niht an:
        deiswâr ich vinde wol den man
        der mir durch sîne hövescheit
        die gnâde niemer widerseit
5655 ern beschirme mich vor dir.