Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

87 jâ ist sî leider ze guot;
    daz ist daz mir den schaden tuot,
    wan ich sîn niht geniezen mac.
    ich hân alsô manigen tac
    von ir güete vil vernomen,
92 nû bin ichs an ein ende komen.
    sît sî rehte wart gewar
    daz mîn freude alsô gar
    an ir einer gnâde stât,
    sît enruochet sî wiez mir gât;
97 daz ist ein starker wîbes muot.
    ich enweiz war umb si mir niht ist guot.
    Unz ich sî mînen muot versweic,
      ir gruoze ich dicke neic
      und het mich dô als einen man
102 dem ein wîp ir hulde gan.
      dô meinte ich bezzern mîn heil;
      do geviel mir daz wirser teil.
      ich wânde, mich ir næhte
      swenne ich sî des innen bræhte
107 daz ich ûz al der werlte ein wîp

[ zurück ]