einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4458 sô edelet dich dîn tugent sôdaz ich dîn bin ze herren vrô." nû hete gewert dirre strît unz an die nônezît, den sumertac alsô lanc. 4463 dô Êrecke alsô gelanc, die genâde er an im begie daz er in leben lie. ûf zuhte er in bî der hant: den helm er im abe bant. 4468 er sprach: "ich enmuote mêre von iu deheiner êre, wan daz ir mir âne schamen rehte nennet iuwern namen. ich enmuote ze dirre zît 4473 wan daz ich wizze wer ir sît." er sprach: "herre, daz sî getân. ich wil iuch wizzen lân, ich bin künec über Îrlant, Guivreiz le pitîz genant." 4478 Êrec gevienc sîn niht ze man. |