einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5678 ir enleistet iuwer vart,als si ûf geleget wart, ze Britanje in daz lant. dâ ist ez alsô gewant, daz ich iu wil zewâre sagen, 5683 ez enmac ein ritter niht bejagen in deheinem lande anderswâ bezzer lop dan ouch dâ. swer ez dâ gevürdern kan, der wirt schiere ein sælic man. 5688 nû muote ich einer êre von iu und ouch niht mêre: swenne ir komet in daz lant, sô nemet iuwer vriundîn an die hant und gât vür die künegîn 5693 und saget ir den dienest mîn. kündet ir iuwer sache gar, unde daz ich iuch ir dar ze ingesinde habe gesant. Êrec bin ich genant: 5698 vil wol erkennet si mich." |