Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3915 liebern danne iuwern lîp.'
        'genâde, herre,' sprach daz wîp,
        'lebet er noch?' 'jâ er.' 'nû wie?'
        'er gehabet sich wol und ist hie.'
        'mac ich in gesehen, herre?'
3920 'jâ, wol: er ist unverre.'
        'herre, sô lât mich in sehen.'
        'vrouwe, daz mac wol geschehen:
        sît daz ir in sehen welt,
        sô ist unnôt daz ir des twelt.
3925 vil liebiu muoter, sehet mich an:
        ich bin iuwer sun und was iuwer man.
        swie grôz und swie swære
        mîner sünden last wære,
        des hât nû got vergezzen
3930 und hân alsus besezzen
        disen gewalt von gote.
        ez kam von sînem gebote
        daz ich her wart erwelt:
        alsus hân ich im geselt
3935 beidiu sêle unde lîp.'
[ zurück ]