einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich962 er sprach: >dîn muoter und dîn vater die enmugen dîn niht wol enbern. ich ensol ouch niht ir leides gern die mir ie gnâde tâten. swaz si dir beidiu râten, 967 liebe gemahel, daz tuo.< hie mite lachete er dar zuo, wan er lützel sich versach daz doch sît dâ geschach. sus sprach zir er guoter. 972 der vater und diu muoter sprâchen: >lieber herre, ir hât uns vil verre geliebet unde gêret; daz enwære niht wol gekêret, 977 wir engultenz iu mit guote. unser tohter ist ze muote daz si den tôt durch iuch dol. des gunne wir ir harte wol, sus hât siz umbe uns brâht. 980b si enhât sich kurze niht bedâht. |