einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3088 sîn herze wart bevangenmit senlîcher triuwe: in begreif ein selch riuwe daz er sîn selbes vergaz und allez swîgende saz.3093 er überhôrte und übersach swaz man dâ tete unde sprach, als er ein tôre wære. ouch nâhten im bœsiu mære. im wîssagete sîn muot,3098 als er mir selbem ofte tuot: ich siufte, sô ich vrô bin, mînen künftegen ungewin: sus nâhte im sîn leit. nû seht wâ dort her reit3103 sîns wîbes bote, vrou Lûnete, von der râte und von der bete daz von êrste was komen daz sî in hâte genomen. sî gâhte über jenez velt3108 unde erbeizt vür diu gezelt. |