einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4081 "nein si entriuwen, herre:si riten an dirre stunt." "war sint si?" "deist mir unkunt." dô twanc in sîn untriuwe ze grôzer herzeriuwe. 4086 dem slâfe vluochte er sêre. er sprach: "mir enwas êre niht ze teile getân, daz ich sus verlorn hân daz schœniste wîp durch gemach 4091 die mîn ouge ie gesach, vremde oder kunde. vervluochet sî diu stunde daz ich hînaht entslief." nâch den rossen er dô rief. 4096 er sprach: "swer sîne sache wendet gar ze gemache, als ich hînaht hân getân, dem sol êre abe gân unde schande sîn bereit. 4101 wer gewan ie vrumen âne arbeit? |