Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

1407 dan in beiden was geschehen,
         dô si hâten gesehen
         daz si gesunt wâren.
         si enwesten wie gebâren,
           dô si dar solden gâhen
1410b dâ si si muosen emphâhen.
         ir gruoz wart spæhe undersniten
         mit vil seltsænen siten:
         ir herzeliebe wart alsô grôz
         daz in daz lachen begôz
1415 der regen von den ougen;
         der rede ist unlougen.
         si kusten ir tohter munt
         etewaz mê dan drîstunt.
         do emphiengen in die Swâbe
1420 mit lobelîcher gâbe;
         daz was ir willeclîcher gruoz.
         got weiz wol, den Swâben muoz
         ieglich biderbe man jehen,
         der si dâ heime hât gesehen,
1425 daz bezzers willen niene wart
[ zurück ]