einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6621 des êrsten rûsches er sluocden wirt selbe dritten, under den saz er enmitten: die andern gâben die vluht. dâne warte eht niemen deheiner zuht: 6626 man sach dâ niemen hôher stân: "herre, welt ir vür gân," wande swem der wec wart, der huop sich an die vart, ez was in sô geschaffen, 6631 die leien vür die phaffen: swie hôhe er wære beschorn, er wart dô lützel ûz erkorn, ez wære abbet od bischof. hie vlôch aller der hof. 6636 zen türn wart vil enge von grôzem gedrenge: der kneht vür sînen herren dranc. der wec dûhte si vil lanc der zen türn ûz gie. 6641 si enkâmen ze selher brûtlouft nie, |