Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1691 oder ich lebe als ein erloschen brant,
        sô brinnent ander brende.
        ja enfrument mir deheiniu bant
        âne dîn gebende;
        mich enheilet niemannes hant
1696 wan dîne hende;
        mir enwerde trôst von dir gesant,
        ich enweiz wer mir in sende.
        nû dîner gnâden wis gemant,
        daz ich mich der gemende
1701 ê mir der zwîvel neme ein phant
        und mich des lîbes phende.
        ich hân den muot alsô gewant,
        swie ich daz gewende,
        daz mir âne dich älliu lant
1706 sint ein ellende.
        Nâch heiles gnâden ich ie ranc;
        wære sîn lôn gebære!
        von allen sælden ez mich dranc.
        nû ist mir undære
1711 daz mir dar an noch nie gelanc;
[ zurück ]