einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7573 daz wære ze sagenne ze lancwie er si in sînen gewalt gewan. innerhalp stuont dar an wie er vrouwen Lavîniam ze êlîchem wîbe nam, 7578 und wie er dâ ze lande was gewaltic herre Ênêas âne alle missewende unz an sînes lîbes ende. dâ mite der satel was bedaht, 7583 daz was ein phelle wol geslaht, sô er beste wesen solde von sîden und von golde. der phelle was ze rehte tief: vil nâch er zuo der erde swief. 7588 dâ stuonden an besunder aller werlde wunder und swaz der himel besliuzet. ob iuch es niht verdriuzet, sô wil ich iu ir ein teil sagen 7593 und doch michels mê verdagen. |