einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3050 als er vernam diu mærewaz diu rede wære, er sprach: "der ist genuoc getân." zehant hiez er si ûf stân, daz si sich wol kleite 3055 unde ane leite daz beste gewæte daz si iender hæte. sînen knaben er seite daz man im sîn ros bereite 3060 und ir pherit vrouwen Ênîten. er jach er wolde rîten ûz kurzwîlen. des begunden si dô îlen. dô wâpente er sich verholne 3065 unde truoc verstolne under der wât sîn îsengewant. sînen helm er ûf bant überz houbet alsô blôz. sîn vlîz was ze helne grôz: 3070 er tete alsam der karge sol. |