einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9869 und kondewierten die gestevon dem hûs genuoc verre. sô bat si Êrec der herre mit heile dâ belîben. dan reit er mit den wîben 9874 und brâhte si ze hûse dem künege Artûse. dar was er michel willekomen, und wart des guot war genomen daz si sô gelîche wâren gekleit 9879 und ze pherden bereit, und begunden des von schulden jehen daz si nie hæten gesehen deheine seltsænern schar, sô manege vrouwen in einer var. 9884 und die dar umbe niht westen, die vrâgeten von den gesten wiez umbe si wære gewant, unz inz Êrec tete erkant. hie emphie der valsches vrîe 9889 von al der massenîe |