Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

944 des wirt danne guot rât.'
       Alsus stal er sich dan
      und warp rehte als ein man
      der êre mit listen
      kunde gewinnen und vristen,
949 und kam dâ er die knappen vant.
      den besten nam er dâ zehant,
      den er niht verdagete.
      vil stille er im sagete
      daz er im sîn gereite
954 ûf sîn pfärit leite:
      er wolde ze velde rîten
      und sîn dâ ûze bîten
      unz erm sîn harnasch bræhte nâch.
      er sprach 'nû lâ dir wesen gâch,
959 und sich daz dûz wol verdagest.
      zewâre ob dûz iemen sagest,
      so ist iemer gescheiden
      diu vriuntschaft under uns beiden.'
       Sus reit er ûz und liez in dâ.
964 vil schiere brâhter im hin nâ
[ zurück ]