einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage1544 durch miete ûz unz an daz zil,und kum niht gâhes an sî, daz ir dîn gewerp bî unstæticlîchen wone. dâ erkennet sî dich vone1549 in stæticlîchem muote; des vergiltet dir diu guote. Unrehtez gâhen sûmet dich. lîp, dâ bî erkenne ich die dâ niugerne sint.1554 die platzent gâhes als ein wint mit rîterschefte an einen man; die selben wenkent ouch schiere dan. des jener niht entuot der stæte ist und wol gemuot.1559 vil schône der entsprenget, als im state verhenget, mit vil bliugen siten, und hât den gâhen schiere erriten. der habet dan ûf und hât verlorn,1564 iedoch mit bluotigen sporn. |