einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3023 daz ir von vluochen was geschehen,dâ begunde si denken an. vil gâhes ruhte si hin dan. si wânde daz er sliefe. einen sûft nam si tiefe 3028 unde sach in vaste an. si sprach: "wê dir, dû vil armer man, und mir ellendem wîbe, daz ich mînem lîbe sô manegen vluoch vernemen sol." 3033 dô vernam Êrec die rede wol. als si der rede hete gedaget, Êrec sprach: "vrouwe Ênîte, saget, waz sint iuwer sorgen die ir dâ klaget verborgen?" 3038 nû wolde sis gelougent hân. Êrec sprach: "lât die rede stân. des nemet iu ein zil daz ich die rede wizzen wil. ir müezet mir benamen sagen 3043 waz ich iuch dâ hôrte klagen, |