Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

442 dô daz pherit was begangen,
      "nû enlât iuch niht belangen"
      sprach der wirt zem gaste.
      Êrecken muote vaste
      sîn schade den er dâ vor gewan:
447 den wirt er vrâgen began
      waz der schal von den liuten
      möhte bediuten
      den er in dem markte hete gesehen.
      dô begunde im der wirt jehen
452 wiez umbe die rede was getân,
      als ich iu gesaget hân,
      beide umbe die hôchzît
      und ouch des sparwæres strît.
      als er im gesagete daz,
457 dô vrâgete er aber vürbaz
      von dem ritter mære,
      ob er weste wer er wære,
      der vor im ûf daz hûs reit,
      als ich iu ê habe geseit,
462 und hal in doch sîn ungemach.
[ zurück ]