Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3396 mit wol geschornem barte,
        in allen wîs alsô getân
        als er ze tanze solde gân,
        mit sô gelîmter beinwât
        sô si zer werlde beste stât,
3401 den envunden si niender dâ:
        er mohte wol wesen anderswâ.
         Ich sage iu waz si vunden.
        do si suochen begunden
        ûf dem wilden steine,
3406 der guote und der reine
        der wart ir schiere innen.
        nû wolde er in entrinnen,
        wan sîn schame diu was grôz:
        er was nacket unde blôz.
3411 nu enmohte er niht loufen drâte,
        wande er gebende hâte
        an ietwederem beine.
        er viel zuo dem steine:
        sus wolde er sich verborgen hân.
3416 dô er si sach zuo im gân,
[ zurück ]