einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6091 sî möhten wol erschrickenvon ir twerhen blicken. sî kêrten in den rücke zuo, sî sprâchen 'ir kumt her ze vruo: man hete iuwer hie wol rât.6096 und westet ir wiez hie stât, ir wæret vür gekêret. ir werdet hie lützel gêret. wem sît ir hie willekomen, od waz hât ir iuch an genomen6101 mit iuwer reise dâ her? nû wer ist hie der iuwer ger? ir wæret anderswâ baz. iuch hât rehte gotes haz dâ her gesendet beide6106 zallem iuwerm leide. ir sît uns unwillekomen.' dô sî diz heten vernomen, dô sprach der rîter mittem leun 'waz touc diz schelten unde dreun,6111 ode war an verschult ich daz? |