einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec1001 "geschach iu ie ungemachvon mînen schulden, deist mir leit. ouch hât mich iuwer vrümekeit der selben schulde hie ze stat wol ze buoze gesat. 1006 nû geruochet mir den lîp lân. und habe ich iht des getân des ich von rehte engelten sol, daz widerdiene ich harte wol." Êrec erbarmde sich dô. 1011 zuo dem ritter sprach er sô: "nû wil ich iuch leben lân: des enhetet ir mir niht getân." nû gap er im des sicherheit daz er im wære bereit 1016 ze leisten swaz ern hieze, daz er in leben lieze. als diu sicherheit was getân, dô hiez er in ûf stân. und als si zuo den stunden 1021 ir houbet beide enbunden, |