einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec92 wiltû daz ich dichs erlâze,sô rît dîne strâze und schabe dich der sunnen haz." Êrec der wolde ouch vürbaz, wan daz getwerc imz niht vertruoc: 97 mit der geisel ez in sluoc, als ez der maget hete getân. ouch wolde er sich gerochen hân, wan daz er wîslîchen sînem zorne kunde entwîchen. 102 der ritter hete im genomen den lîp, wan Êrec was blôz als ein wîp. er gelebete im nie leidern tac dan umbe den geiselslac und enschamte sich nie sô sêre 107 wan daz dise unêre diu künegîn mit ir vrouwen sach. als im der geiselslac geschach, mit grôzer schame er wider reit. alsô klagete er sîn leit, 112 schamvar wart er under ougen: |