Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2506 wan alsô schalclîchen muot
        gewan nie rîter dehein.
        dô sprach mîn her Gâwein
        'wie nû, mîn her Keiî?
        nû sprechent ir doch, ir sît vrî
2511 valscher rede: wie schînet daz?
        ir erzeiget doch iezuo grôzen haz
        disem guoten knehte.
        nû tuot ir im unrehte.
        ern gedâhte iuwer nie wan wol,
2516 als ein rîter des andern sol:
        und daz er nû niht komen ist,
        daz hât im lîhte an dirre vrist
        ein selch unmuoze benomen
        daz er niht enmohte komen.
2521 durch got ir sult die rede lân,'
        her Keiî sprach 'daz sî getân:
        ich wând ich redte rehte dran.
        alsô gerne mac ein man
        übel tuon alsô wol,
2526 sît ez nieman reden sol.
[ zurück ]