Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5500 mîns lebens und mîns rehten namen:
        ich wil mich niemer gevreun.
        ich heize der rîter mittem leun:
        und swer iu vür dise tage
        iht von einem rîter sage
5505 des geverte ein lewe sî,
        dâ erkennet mich bî.'
         Diu vrouwe sprach 'wie mac daz komen
        daz ich von iu niht hân vernomen
        und daz ich iuch nie mê gesach?'
5510 der rîter mittem lewen sprach
        'daz iu von mir niht ist geseit,
        daz machet mîn unwerdekheit.
        ich möhte mittem muote
        mit lîbe und mit guote
5515 gevrumet hân diu mære
        daz ich erkander wære.
        wirt mîn gelücke alsô guot
        sô mîn herze unt der muot,
        ich weiz wol, sô gedien ich daz
5520 daz ir mich erkennet baz.'
[ zurück ]