einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec1158 beide si dô sâhendisen ritter zuo gâhen verre ûz dem walde. nû tâten siz balde der küneginne kunt. 1163 ûf stuont si zestunt: ir vrouwen si zuo ir nam, an ein venster si kam, daz si war næme wer dâ geriten kæme. 1168 dâ stuont si und diu ritterschaft bî ein ander zwîvelhaft wer der ritter möhte sîn. dô sprach diu künegîn: "ez ist benamen der man, 1173 als ich verre kiesen kan und als mir mîn gemüete seit, dem Êrec dô nâch reit. nû sehet, ir sint drîe: daz getwerc und sîn âmîe 1178 rîtent mit im dort her. |