einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8154 er was eht herzen sorgen vrînû reit er zuo und gruozte sî mit lachendem munde. nû huop er dâ ze stunde ein vil vrœlîchez liet. 8159 nû murmelte aber diu diet: "nû schînet du enwizzest niht wol waz dir hie geschehen sol. nû enist doch leider dar niht lanc daz dîn vrœlîchez sanc 8164 ein vil riuwic ende gît: daz geschiht ê morgen ze dirre zît. möhtestû wizzen und dîn wîp daz dû dînen gelphen lîp solt als unlange hân, 8169 sô liezestû dîn singen stân." alsô reit von in dan der vil unverzagete man ûf daz hûs ze Brandigân. dâ wart im sîn reht getân, 8174 sô daz man in vil schône emphie. |