Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4343 und gevellet iu daz heil,
        ich wil iu daz zewâre sagen,
        ir muget hie den prîs bejagen
        des ir wol gelobet sît.
        nû wert iuch, ritter, ez ist zît."
4348 sus antwurte im durch sînen spot
        Êrec: "nû enwelle got,
        ritter biderbe unde guot,
        daz ir immer getuot
        sô vil wider iuwern triuwen.
4353 ez müeste iuch her nâch riuwen.
        jâ butet ir mir iuwern gruoz:
        wanne würde iu des lasters buoz,
        bestüendet ir mich dar nâch?
        sô wære iu ze gâch
4358 und belibet sîn âne ruom.
        ir sult ez durch got tuon
        und mich mit gemache lân,
        wan ich habe iu niht getân.
        ich hân verre geriten
4363 und selh arbeit erliten
[ zurück ]