einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3601 wider umbe rîten begunde er dô:von vreuden was im vil gâch. Êrec reit müezeclîchen nâch. nû ersach in sîn herre und erkande in verre, 3606 wan er was vür daz bürgetor gegangen: dâ saz er vor. vil michel wunder in des nam daz er sô schiere wider kam, und vrâgete in mære 3611 wes daz ros wære daz er dâ vuorte an der hant. vil schiere tete er im erkant die rede an ein ende gar. er sprach: "herre, nû nemet war 3616 wâ si zuo iu rîtent: nû enweiz ich wes ir bîtent daz ir nû niht zer strâze gât: ir missetuot ouch, ob irz lât. jâ muget ir an der vrouwen 3621 daz schœniste wîp schouwen |