Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

493 als ich nû gesaget hân,
      sô bin ich im her nâch geriten.
      râtes muoz ich iuch biten:
      beide helfe unde heil
      stât vil gar âne teil,
498 herre, in iuwer hant.
      möhtet ir mir umbe îsengewant
      getuon deheiner slahte rât
      - ich sage iu wie mîn muot stât -,
      sô enwürde er strîtes niht vermiten.
503 mit rosse bin ich wol geriten:
      sô soldet ir mich lân rîten
      mit iuwer tohter Ênîten
      ûf die selben hôchzît.
      ich behabete den strît
508 daz si schœner wære
      und næme den sparwære
      dan des ritters vriundîn.
      nû sehet ob ez müge sîn
      und tuotz ûf daz gedinge,
513 ob mir alsô gelinge
[ zurück ]