Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6972 jane wâren sî niht geste
        des willen, sam der ougen.
        ir ietwederm was tougen
        daz in kempfen solde ein man
        der liebest den er ie gewan.
6977 Sît daz der kampf wesen sol,
        sô zimt in daz beiden wol
        daz sî enzît strîten.
        wes mugen si iemer bîten?
        dâ ist diu state unde der muot.
6982 ouch wâren diu ors alsô guot
        daz sî daz niht ensûmde.
        ir ietweder rûmde
        dem andern sînen puneiz
        von im vaste unz an den kreiz:
6987 der was wol rosseloufes wît.
        ze orse huop sich der strît.
         Sî mohten wol strîten,
        wand sîs ze den zîten
        niht êrste begunden.
6992 wie wol sî strîten kunden
[ zurück ]