einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1467 waz sol mir guot unde lîp?waz sol ich unsælic wîp? ouwê daz ich ie wart geborn! ouwê wie hân ich dich verlorn? ouwê, trûtgeselle.1472 got versperre dir die helle und gebe dir durch sîne kraft der engel genôzschaft: wan dû wær ie der beste.' ir jâmer was sô veste1477 daz sî sich roufte und zebrach. dô daz her Îwein ersach, dô lief er gegen der tür, als er vil gerne hin vür zuo ir wolde gâhen1482 und ir die hende vâhen. Dô daz diu juncvrouwe ersach, sî zôch in wider unde sprach 'saget, wâ welt ir hin, ode wâ habt ir den sin1487 genomen der iu diz geriet? |