Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4556 al die wîle und ich lebe.
        und gewert mich einer gebe:
        des man ich iuch sô verre.
        wâ wart ie triuwe merre
        dan vriunt bî vriunde vinden sol,
4561 die beide ein ander trûwent wol?
        bî der man ich iuch daz ir
        durch mîne liebe ensament mir
        ûf mîn hûs rîtet
        und dâ sô lange bîtet
4566 unz daz ir geruowet sît.
        diz lât wesen âne strît:
        dâ handelt ir mich wol an,
        daz ichz immer dienen kan."
        Êrec sprach: "ich wil iuch wern:
4571 doch ensult irs niht sô lange gern.
        ir müezetz âne zorn lân:
        ich enmac niht langer hie bestân
        niuwan unze morgen vruo
        und sage iu war umbe ich daz tuo.
4576 ich envar nâch gemache niht:
[ zurück ]