Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

964 diu barke ran lære hin.
       Daz wintgestœze wart sô grôz
      daz si ûf dem sê verdrôz.
      diu state enmohte in niht geschehen
      daz si hæten besehen
969 waz in dem vazze wære.
      daz was in aber unmære:
      wan si hâten des gedâht,
      sô siz ze hûse hæten brâht,
      so besæhen si mit gemache
974 ir vundene sache.
      si wurfen dar über ir gewant
      und zugen vaste an daz lant.
       Iemitten kurn si den tac.
      der abbet der der zelle phlac
979 gie kurzwîlen zuo dem sê,
      er alters eine und nieman mê,
      und warte der vischære,
      welh ir gelücke wære.
      dô vuoren si enmitten zuo,
984 des dûhte den abbet alze vruo.
[ zurück ]