einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich95 daz wir in dem tôde sweben, so wir aller beste wænen leben. Dirre werlte veste, ir stæte und ir beste und ir grœste magenkraft, 100 diu stât âne meisterschaft. des muge wir an der kerzen sehen ein wârez bilde geschehen, daz si zeiner aschen wirt iemitten daz si lieht birt. 105 wir sîn von brœden sachen. nû sehet wie unser lachen mit weinenne erlischet. unser süeze ist gemischet mit bitterer gallen. 110 unser bluome der muoz vallen so er aller grüenest wænet sîn. an hern Heinrîche wart wol schîn: der in dem hœhsten werde lebet ûf dirre erde, 115 derst der versmâhte vor gote. |