einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec1491 die vriuntlîchen blicke.ir herze wart der minne vol: si gevielen beide ein ander wol und ie baz unde baz. dâ envant nît noch haz 1496 ze blîbenne dehein vaz: triuwe und stæte si besaz. nû riten si vil drâte, wan er gelobet hâte ze komenne an dem selben tage. 1501 nâch der küneginne sage westen die guoten knehte alle vil rehte die zît wenne er solde komen: ouch hâten siz vernomen 1506 von dem ritter der dâ kam, an dem er den sige nam. diu ros wâren in bereit. dô genôz er sîner vrümekeit. mit dem künege Artûse 1511 riten von dem hûse |