einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1354 sô gar verweinet und verklaget, vil nâch unz an den tôt. do erkande ir triuwe und ir nôt cordis speculâtor, vor dem deheines herzen tor 1359 vürnames niht beslozzen ist, sît er durch sînen süezen list an in beiden des geruochte, daz er si versuochte rehte alsô volleclîchen 1364 sam Jôben den rîchen. do er in des siechen hant bärmde und triuwe vant und ouch die vil reine maget an triuwen vant sô unverzaget 1364e daz si benamen ir leben in gotes güete wolde geben, dô erzeicte der heilic Krist wie liep im triuwe und bärmde ist und schiet si dô beide 1368 von allem ir leide |