Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7184 in was beiden vil leit
        swenne ir tage giengen hin
        daz sî deheinen gewin
        an ir koufe envunden,
        des sî sich underwunden.
7189 sî wâren zwêne mære
        karge wehselære
        und entlihen ûz ir varende guot
        ûf einen seltsænen muot.
        sî nâmen wuocher dar an
7194 sam zwêne werbende man:
        sî pflâgen zir gewinne
        harte vremder sinne.
        dehein koufman hete ir site,
        ern verdurbe dâ mite:
7199 dâ wurden sî rîche abe.
        si entlihen nieman ir habe,
        in enwære leit, galt er in.
        nû sehent ir wie selch gewin
        ieman gerîchen mege.
7204 da entlihen sî stiche und slege
[ zurück ]