Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7572 daz er Laurente betwanc.
        daz wære ze sagenne ze lanc
        wie er si in sînen gewalt gewan.
        innerhalp stuont dar an
        wie er vrouwen Lavîniam
7577 ze êlîchem wîbe nam,
        und wie er dâ ze lande was
        gewaltic herre Ênêas
        âne alle missewende
        unz an sînes lîbes ende.
7582 dâ mite der satel was bedaht,
        daz was ein phelle wol geslaht,
        sô er beste wesen solde
        von sîden und von golde.
        der phelle was ze rehte tief:
7587 vil nâch er zuo der erde swief.
        dâ stuonden an besunder
        aller werlde wunder
        und swaz der himel besliuzet.
        ob iuch es niht verdriuzet,
7592 sô wil ich iu ir ein teil sagen
[ zurück ]