einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3919 sô er an sînem bette lît,sô kumet ir her: wande sô mac er iu niht geschaden, sô werdet ir iuwers willen an mir 3924 unbekumbert gewert, wan hînaht stil ich im daz swert." si sprach: "ich bin iu nû holt, wan daz habet ir wol versolt, und müet mich, sult ir dulden 3929 schaden von mînen schulden: daz doch benamen muoz ergân, ir entuot als ich gesprochen hân. wande nemet ir mich zehant, ez ist umbe uns sô gewant 3934 daz er mich ungerne lât. sîn swert er bî im hât: ich weiz wol daz er schaden tuot." er sprach: "iuwer rât der ist guot, der gevellet mir sô wol 3939 daz ich iu gerne volgen sol." |