einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage1762 jâ lebe ich sam ich swandeüber tiefen sê, dan man hât verre unz ze sande; den hete sælde heim gelât, ob in got ûz gesande.1767 sîn liegen snîdet sam ein grât, swer daz ie guot genande, ob mich mîn dienest niht vervât. die sêle gibe ich ze phande daz mîn triuwe niht zergât,1772 wan der schade bræhte schande. mîn muot ze selher wîse stât daz ichz mir gerne enblande. ich wæn noch lîhter den Phât allen verbrande,1777 daz sîn niender dehein schrât flüzze in dem lande, ê daz ich dîn getæte rât; dâ von sô ist mir ande, ob mich unerlœset lât1782 dîn trôst von selhem bande. |