einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4139 nû hôrte si si zuo varnmit zornigem muote. swie niuwelîch diu guote warnen verlobet hæte, daz gelübede beleip unstæte, 4144 wan si zebrach ez dâ zehant, als si betwanc der Triuwen bant. dannoch wâren si verre. si sprach: "lieber herre, dir rîtet michel her nâch. 4149 si wellen dir schaden: in ist sô gâch." nû endarf niemen sprechen daz, von wanne kæme daz diu vrouwe baz beide gehôrte und gesach. ich sage iu von wiu daz geschach. 4154 diu vrouwe reit gewæfens bar: dâ was er gewâfent gar, als ein guot ritter sol. des gehôrte er noch gesach sô wol ûz der îsenwæte 4159 als er blôzer tæte. |