Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

492 der uns wol gerâten kan,
      den mir mîn vater ouch beschiet
      und mir an sîne lêre riet,
      dô er an sînem tôde lac,
      wande er ouch sînes râtes phlac.
497 den neme wir an unsern rât
      (ich weiz wol daz er triuwe hât)
      und volge wir sîner lêre:
      sô gestât unser êre.'
       Diu vrouwe wart des râtes vrô.
502 ir vreude schuof sich alsô,
      als ez ir dô was gewant:
      ir enwas kein ganziu vreude erkant.
      daz ir trûren wære
      dô si was âne swære,
507 daz was ir bestiu vreude hie:
      daz si niuwan ir weinen lie.
      der rât behagete ir harte wol,
      si sprach: 'der uns dâ râten sol,
      bruoder, den besende enzît,
512 wan mîn tac unverre lît.'
[ zurück ]