Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2521 durch got ir sult die rede lân,'
        her Keiî sprach 'daz sî getân:
        ich wând ich redte rehte dran.
        alsô gerne mac ein man
        übel tuon alsô wol,
2526 sît ez nieman reden sol.
        ichn gewähenes niemer mêre,
        nû daz sîn iuwer êre.'
         Der künec Artûs nam in die hant
        daz becke daz er dâ hangen vant,
2531 und schuof ez vollez brunnen,
        und wolde rehte erkunnen
        ob daz selbe mære
        wâr ode gelogen wære
        durch daz er was komen dar,
2536 unde begôz den stein gar.
        dô wart daz weter alsô grôz
        daz alle die dâ verdrôz
        die dar komen wâren:
        und daz sî genâren,
2541 des heten sî verzwîvelt nâch.
[ zurück ]