Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6526 sô dûhtez si alle gelîche,
        arme unde rîche,
        ein michel ungevuoge.
        ouch wizzenz im genuoge
        under sîniu ougen:
6531 die andern redtenz tougen,
        ez wære tœrlîch getân
        und er möhtez gerne lâzen hân.
        er wart dar umbe gestrâfet vil:
        si wizzen imz unz ûf daz zil
6536 daz der schalchafte man
        vil sêre zürnen began.
        ir strâfen was im ungemach.
        vil unsenfteclîche er sprach:
        "ir herren, ir sît wunderlich,
6541 daz ir dar umbe strâfet mich
        swaz ich mînem wîbe tuo.
        dâ bestât doch niemen zuo
        ze redenne übel noch guot,
        swaz ein man sînem wîbe tuot.
6546 si ist mîn und bin ich ir:
[ zurück ]