einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6526 sô dûhtez si alle gelîche,arme unde rîche, ein michel ungevuoge. ouch wizzenz im genuoge under sîniu ougen: 6531 die andern redtenz tougen, ez wære tœrlîch getân und er möhtez gerne lâzen hân. er wart dar umbe gestrâfet vil: si wizzen imz unz ûf daz zil 6536 daz der schalchafte man vil sêre zürnen began. ir strâfen was im ungemach. vil unsenfteclîche er sprach: "ir herren, ir sît wunderlich, 6541 daz ir dar umbe strâfet mich swaz ich mînem wîbe tuo. dâ bestât doch niemen zuo ze redenne übel noch guot, swaz ein man sînem wîbe tuot. 6546 si ist mîn und bin ich ir: |