einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4971 sîner ungewizzenheit.deiswâr, mac ich, ez wirt im leit.' Er hete in kurzen stunden den helm ûf gebunden und was vil schiere gereit:4976 daz lêrt in diu gewonheit. sîn ors sach er bî im stân, er hiez die brücke nider lân. er sprach 'diz sol sich scheiden unser einem ode uns beiden4981 nâch schaden und nâch schanden. ich getrûwes mînen handen daz ich sîn drô genidere. deiswâr er muoz iu widere iuwer süne gesunde geben,4986 ode er nimt ouch mir daz leben: und swederz der sol geschehen, daz hât man schiere gesehen.' sus was im an den risen gâch: sîn lewe volget im allez nâch.4991 Dô in der rise komen sach, |