Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4375 sehs knappen wætlîche:
        sî zæmen wol dem rîche
        von aller ir getât
        an ir lîbe und an ir wât.
        von den wart er wol enpfangen.
4380 vil schiere kam gegangen
        der wirt als ein bescheiden man:
        der gruozt in unde vuort in dan
        ûf daz hûs an guot gemach,
        dâ er rîter und vrouwen sach
4385 eine sûberlîche schar.
        dô nam er ir beider war,
        ir gebærde unde ir muotes:
        done vander niht wan guotes.
         Swer ie kumber erleit,
4390 den erbarmet des mannes arbeit
        michels harter dan den man
        der nie deheine nôt gewan.
        der wirt het selbe vil gestriten
        und dicke ûf den lîp geriten,
4395 und geloupte dem gaste deste baz;
[ zurück ]