Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1431 und dar nâch alle die hie sint.'
         Der abbet sprach: 'vil liebez kint,
        nû lose: ich wil dir râten wol
        als ich mînem lieben sol
        den ich von kinde gezogen hân.
1436 got hât vil wol ze dir getân:
        er hât von sînen minnen
        an lîbe und an sinnen
        dir vil vrîe wal gegeben,
        daz dû nû selbe dîn leben
1441 maht schephen unde kêren
        ze schanden oder ze êren.
        nû muostû disen selben strît
        in disen jâren, ze dirre zît
        under disen beiden
1446 nâch dîner kür scheiden,
        swaz dû dir wilt erwerben,
        genesen oder verderben,
        daz dû des nû beginnen solt.
        sun, nû wis dir selben holt
1451 und volge mîner lêre
[ zurück ]