einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9125 an daz ertrîchehinder sich gesâzen. die zoume wurden lâzen, und erbeizten zuo der erde. got herre, nû gewerde 9130 des künec Êreckes phlegen! wan er bestât einen degen der hât ellen unde kraft: des bin ich umbe in angesthaft. nû schieden si beide 9135 diu swert von der scheide und wurfen si umbe in der hant. hie gienc ez über der schilte rant dô si zesamene trâten. die grimmen slege si tâten. 9140 die schilte buten si dar: die wurden ouch alsô gar unz anz gestelle zeslagen, daz si ir niht mêre getragen vor den armen mohten 9145 und in ze wer niht tohten. |